فضـــــــــــــــــــــفـــــــــــــــــــــــــضة

عارف يامحمد كلامك دا حسسني بذنب فظيع تجاه شخص عزيز عليا
انا مش متخيلة اني ممكن اكون في يوم من الايام كنت سبب في عذاب اوحيرة ليه بالشكل دا
.............................................................
بس انا عايزة اقولك حاجه ممكن تكون ميزة مش عارفة بس بما انها رفضت الكلام معاك بسبب تدينها فاكيد هترفض الكلام مع غيرك يبقي المطلوب منك دلوقت انك تشد حيلك في المذاكرة علشان تكون جدير بيها وبثقة اهلك فيك لانها لازم تحس انك قد المسئولية وانك مستعد تعمل اي حاجه علشان خاطر تكون من نصيبك وتحس انك ممكن تحافظ عليها
كمان لازم تحسن علاقتك بربنا لانها بما انها متدينة فأكيد يوم ماتفكر في اختيار شريك حياتها اكيد هتختار الانسان اللي تحس انه راجل وملتزم وهيساعدها انها تكون اقرب لربنا
واسمح لي انت غلطان في نقطة وهيا انك كنت لازم تعرف هل رفضها دائم بسبب انها بتعتبرك اخ ليها وساعتها لازم تنساها ولا الرفض دا مؤقت لانها مثلا شايفة ان الوقت مش مناسب انها تفكر في الارتباط بحد وساعتها يبقي لازم تعمل المستحيل علشان ماتضعش من ايديك
ودا الفرق بين مشكلتي ومشكلتك اني كنت صريحة مع ابن خالي وعرف انه غالي عندي بس كأخ.
وممكن تتأكد من طبيعة نظرتها ليك عن طريق انك توسط واحده في العيلة اختك مثلا او اختها
لكن اهم حاجه تعملها دلوقت انك تذاكر كويس علشان تدخل كلية كويسة لانك لو لا قدر الله مجبتش مجموع هتبقي خسرتها وخسرت نفسك قبلها
ونصيحة من واحده بجد بتعتبرك اخوها الصغير وخايفة عليك بلاش تسمع اغاني اساسا لاكدا ولاكدا لان اكيد انت عارف ان الاغاني حرام
وان شاء الله ربنا يهديك وييسر لك كل عسير ويقدر لك اللي فيه الخير
معذرة للاطالة ولكن يشهد ربنا ان دا من غلاوتك يامحمد وربنا يجعلك من سعداء الدارين