هل دموع " الرجل " عيــب ؟؟

انا معاك يا ايهاب ان دموع الرجل مش عيب ولا هى حرام
بالعكس
كلامك كله صح وانا متفقة معاك فى كل حاجة
بس مش فى كل وقت الرجل يبكي
فى اوقات لازم الرجل فيها يكون قوى ومش يبكى
ومش معنى كلامى ان البكاء ضعف
تسلم ايدك يا ايهاب على الموضوع الجميل دى

انت كلامك صح ياايهاب
بس انا من النوع ان من الصعب دمعته تنزل
ممكن اتأثر بشىء جدا وأبكى من قلبى بس صعب جدا انى ابكى بدموع

تسلم ايدك ياايهاب على موضوعك الجميل ده

دموع الرجل مش ضعف ولا حاجة
بالعكس ده دليل على رقة مشاعرة
ومهما كان الانسان قوى فى ساعات بيضعف فيها
ميرسى يا ايهاب على طرحك للموضوع

ربنا يخليكوا يا رب
بس يا سارة مش شرط اننا نبكى .. عشان مش نكون ضعفاء
لاء
ممكن فى اى وقت ... مين يعلم البكاء ممكن يعمل ايه ؟ ممكن يخرجه من اى هم او كرب بيفكر فيه ؟ صح
وانت يا محمد
مهما كان دمعتك بعيدة .. هتبكى والله
على اى حاجه .. عزيزية عليك .. صح بردة
وانتى يا سمر ... كلامك كله صح
ومهما كان الانسان قوى فى ساعات بيضعف فيها
يسلم ردك
نورتوا الموضوع والله العظيم

بالعكس دموع الانسان بالنسبة لي علي الاقل بتعكس رقة وسمو مشاعر الانسان سواء كلن رجل او امرأة وبعدين البكاء عمره ماكان ضعف بدليل ان الرسول اللي هو احسن من الكل بكي ولو كان بكاء الرجل ضعف مكنش الحبيب المصطفي بكي
شكرا ليك ياايهاب علي موضوعك الجميل

شكرا انتى لردك والله يا همس .. بردك والله زاد اقتناعى بنزول دموعى
محبه للرسول عليه الصلاة والسلام

شكراً ليك ع الموضوع فكرته حلوة اوي
وانا شايفة ان عمر ما كانت
الدموع ضعف بالعكس دي دليل ع الحب الحقيقي وكلنا بشر
وبنحس ومينفعش نقول ان الرجالة عيب تبكي او تنزل دمعتها قدام حد
بس العيب انه ميبقاش راجل بمعنى الكلمة واي حاجة تحصل يكون ضعيف قدامها
بالعكس لازم يبقى قوي وشجاع وده ميمنعش انه يبكي بس يمكن البنات مش بتحب كده
وانا شايفة ان الانسان المفروض ميبكيش قدام حد لان ناس كتير بتعتبره ضعف

فعلا يا ايهاب البكاء بالنسبه للراجل مش عيب ولا صعف
لا خالص دى دليل على طيبته وحنيه قلبه


بس برده مش فى كل الاوقات يبكى فيها

يعنى فى مواقف وموافق

فهمنى ازاى


وثانكيو على الموضوع

حياتى معاك

وانا شايفة ان الانسان المفروض ميبكيش قدام حد لان ناس كتير بتعتبره ضعف
------- يعنى يا اميرة لو محتاج انى اعيط اوى امنع نفسى وفنفس الوقت دموعى هى اللى هتريحنى امنها عشان الناس ؟؟؟ مظنش انى ممكن اعمل كده ...
وانت يا هيما ..
----------- انت مبكتش ؟؟؟؟
حياتى معاك : اكيد فهمتك بس عمر الدموع ما كان ليها وقت ..
انا كتير بكون مبسوط وبحس انى عايز اعيط . يعنى مش شرط السبب يكون ايه ؟
المهم اننا نرتاح لو كان الدواء فى " الدموع "
وشكرا ليكوا لردك بجد ..نورتونى

عمر الدموع بصفة عامة كانت عيب او ضعف
سواء راجل او ست
انا عن نفسي لو شفت اي حد بيعيط راجل يعني بعيط جنبه حتى لو في فيلم

انا مش هرد على كلامك يا برتنى
انا هقول ...... نوررررررررررررررتى المنتدى تانى برجوعك والله وياريت تفضلى معانا على طول بقى