انت فى اوضتك على السرير وطافيه النور ومتغطيه
يجى اخوك الظريف يقولك اية دة انتى هتنامى ولا ايه ؟
(معتقدش انى هرقص يعنى اكيد هنام)
انتم معزومين عند الناس اول مارحتولهم البيت فتحو الباب يقول
ابنهم االصغير انتو جيتو
( لا لسه )
انتى لابسه هدومك ومتانتكه على سنجة عشرة وريحة البارفان وصله
لاخر الشارع يندهلك حد من اهلك بصوت عالى انتى خااااااارجه
(لا انا لسة راجعه)
خارجه وركبت
العربية وبدورى وطالعه ويجى البواب يقولك انتى رايحه الشغل
ياهانم
(لا العربية وحشاني )
مسكت التليفون وبتضغطى على الارقام يجى حد من اهلك يقولك انتى
هتتكلمى فى التليفون؟
(لا بتفرج علية)
ماسكه مذكرة ولا كتاب وقاعده بتحفظى متحمسه ( اول مره بقى ) ويجي حد
يقولك هاة قاعده تذاكرى
(تقوم راميه الكتاب وقايلة لااااااااااا )
ربنا هاديكى كدة وماسكه سبحة وعمال تسبحى يجى حد من البيت معدى
يقولك هوة انتى بتسبحى ؟
(لا هفرطها واسلقها)
ولا باة القنوات و اسئلتهم البايخة برنامج اهداء اغانى ترد عليكى ست
الكتكوتة (المزيعة)بكل خفة ورشاقة انتى بتحىب الاغنية دى؟
(لا انا طالباها اخنق على نفسى )
او مثلا فى برامج
العيد
المذيع "ههههه هههه نتعرف بيك؟
المواطن فلان الفلانى
المذيع "هههه بتقول اية للاهل هههه وصحابك هههههه وقرايبك هههه
المواطن اقولهم كل عام وانتم بخير
(اكيد مش هيقولهم البقاء للة)
المذيعة الظريفة"وياترى هتعملو اية فى العيد هتقضوة ازاى
اكيد بيبقى زيارات الاهل والاصحاب وتفسحو اولادكو ونتصل بالمعارف
ونقولهم كل سنة وانتم طيبين
( سبتيله اية يقوله يا رخمة)
والاسخف باة برامج الاطفال .... الشلل
الكبير
المذيع" انت بتحب بابا وماما
(يعنى الولة لسة مطلعلوش عرق الندالةعلشان يقول لا)
نفسى بجد اعرف الواحدة مننا تسيطر على اعصابها ازاى بعد الاسئله البايخة دى
ربنا يصبرنا ويرحمنا
الثلاثاء 29 أبريل - 10:53
