نكت جامده وجديده

1-مرة 3 أطفال راحوا محل لعب،
واحد فيهم بيقول للراجل: عمو عمو عايز بلونة.
الراجل جاب السلم وطلع وجابله بلونة ونزل
فسأل التاني: وانت عايز ايه؟
قاله بلونة .. فقاله الراجل ماقلتش ليه وانا فوق!!
المهم طلع جابها له وهو فوق سأل الولد التالت: وانت كمان عايز بلونة؟؟؟ قاله لأ...
فنزل الراجل وقاله : امال عايز ايه؟ قاله عايز بلونتين

2-مرة واحد غبى واقف في الشارع و بيتكلم في المحمول
و عمال يزعق و يقول: بس دوري تاني ، دوري كويس.
ام واحد معدي في الشارع جه قال له: في إيه ؟؟؟؟
مردش عليه
راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
3-مدرس حساب سأل طالب لو كان علي أبوك دين 1000جنيه
و مطلوب انه يسدده علي 10 أقساط ها يدفع كام في كل قسط؟
رد الولد مش هايدفع ولا مليم ...
فقال المدرس : اقعد يابني ده انت مش فاهم الدرس كويس...
فرد الولد : ده انت إللي مش فاهم بابا كويس يا أستاذ

4-واحده ست مسكت حرامى فى المطبخ ،فقالت لابنها روح إنده ابوك من على القهوة....
جه ابوه ،
ولما فتح المطبخ لقي الحرامي صغيّر فقال له انت اسمك ايه؟ قالوا كريم
فقعد يضرب فيه لحد ما عجنه ....
تاني يوم الست بتفتح باب المطبخ لقيت حرامي
قالت لابنها روح يا وله نادي ابوك من على القهوة
جه الراجل ولما دخل المطبخ لقي واحد طول بعرض .......
بص لمراته وقال لها امال فين كريم ؟!!!

بخيل سألوه "لو كنت بردان تعمل إيه؟
" قال "أقرب من الدفاية"،
قالوا له "و لو زاد البرد؟"
قال "أقرب أكتر"،
قالوا له "و لو زاد البرد أكتر و أكتر؟"
قال "أقرب أكتر و أكتر"،
قالوا "و إذا البرد زاد أكتر و أكتر و أكتر؟"
فقعد يفكر شوية و قال لهم "أشغل الدفاية

6-واحد بيقول لصاحبه تيجى نركب اتوبيس؟؟
قال له : يا عم لأ ، احنا نجرى جنب الاتوبيس ونوفر النص جنيه ....
فرد وقال له طب منجرى جنب تاكسى ونوفر خمسة جنيه


7-مرة واحد بيعدي الشارع مع صحابه خبطته عربية مات.
أصحابه نقوا واحد منهم عشان يقول لمراته انه مات
فراح لها فتحت له الباب قال لها: "جوزك ضيع كل فلوسه ع القمار"
قالت له: "إلهي يتشل البعيييد!"
قال لها: "و باع البيت"
قالت له: "إلهي يبيعوا عنيه!"
قال لها: "و اتجوز عليكي على فكرة"
قالت له: "إلهي يدخلوا عليا شايلينه"
الراجل قال: "بس..خشوا يا شباب..."


مرة اتنين مجانين الأولاني قال للتاني "تيجي نلعب لعبة الجزار؟ أنا الراجل الجزار و انت جاي تشتري"
قال له ماشي و وقف قدامه و قال له "عندك حاجة ساقعة؟"
الأولاني قال له "إيه ده يا عم دي لعبة الجزار، إنت باين عليك مش عارفها
بص انت خليك الجزار و انا جاي اشتري منك
" و وقف و قال له " عندك جبنة رومى
قاله: لا جبت القزايز فاضية



9-دكتور بيطرى بيقول لحبيبته : انا بهيم فى حبك ... تتجوزينى ؟؟
قالتله : أنا مقدرش أرفسلك طلب

يارب تعجبكم
8-
5-

هههههههههههههههههههههههههه
ههههههههههههههههههههههههه
تحفة يا سمر
تسلم ايدك
ههههههههههههههههه

هههههههههههههههههههههههه
جمال جدا سحر
تسلم ايدك

ههههههههههههههههه


حلوة يا سممر

ميرسى يا احمد على ردك اللى دايما منورنى

غرام الافاعى كتب:

هههههههههههههههههههههههه
جمال جدا سحر
تسلم ايدك

ربنا يخليكى يا غرام
ميرسى لردك

e3tazalt elhop كتب:

ههههههههههههههههه


حلوة يا سممر

ردك انت الاحلى يا احمد
ميرسى ليك