كرسى الاعتراف (شرط الدخول ) من غير زعل

انا عارف انكم هاتنتقمو منى بس بشويش ياجماعة
لان الكرسى جاى فى ايام ربنا الى يعلم بيها
ودى اول اجاباتى

1_ايه هو السبب لاختياراك عاشق الورد؟
لانى فعلا بعشق حاجة اسمها ورد وبستريح لما أشم رائحة الورد جدا

2-ماذا تعنى لك(الصداقه- الحب)؟
الحب والصداقة كلمتين مختلفتين يعنى فى نظرى الصداقة لاتنتهى
يعنى صديقى دلوقتى هايفضل صديقى على طول
لكن الحب لما بيروح بيروح على طول
وممكن الصديق يرجع حبيب بس مش ممكن يرجع الحبيب صديق
والى يقدر يكون عنده صديق صدوق وحبيب بيحبه حب حب يكون ملك الدنيا كلها
وبصراحة دول أجمل كلمتين على وجه الارض

3_كلمه تحمل معنى كبير عند وداع من تحب ...؟
يارب أكون فهمت السؤال صح...(سألتك ياصخرة الملتقى متى يجمع الدهر مافرق)
4_عندما تملأنا الهموم والمشاكل فى تلك الحياه لانجد طريق نلجأ اليه الا أن نلجأ
الى الله سبحانه وتعالى وذلك أفضل طريق للمؤمن ... ولكن أحياناً نشعر باحتياجتنا إلى تفريغ الشحنات النفسيه التى بداخلنا من الألم عن طريق الفضفضه

فأيهما تفضل ؟ البحث عن صديق يفهمك ويكون سرك أم تكتفى بجلوسك صامتاً لبعض الوقت أم تذهب إلى مكان تحبه وتجلس فيه وحدك ؟
أذهب الى مكان احبه وأجلس فيه وحدى(غرفتى وأطفى النور وأشغل أغانى حزينة)

5-نفسك تشتغل ايه لما تخلص دراسة؟؟
محاسب

6_ ايه مواصفات شريكة حياتك؟؟؟

تكون متدينه
تكون بتحبنى زى ماأنا بحبها وتضحى علشانى
تكون بتخاف عليا
تقف جمبى فى وقت الفرح والحزن
تكون بتقدر الحب وتعرف يعنى ايه حب
دى المواصفات الاجتماعية
اما فى مواصفات تانية بقى

7_ايه اكتر موقف محرج قابلته في حياتك؟؟؟؟؟؟
كنت فى يوم فى فرح وطلعت غنيت على المسرح فى المايك وجيت فى نص الاغنية نسيت كلمة وقمت واقف والموسيقى فضلت شغالة وانا نزلت
كان شكلى وحش جدا

يارب تكون اجاباتى صريحة والمقصودة
وانا مستنى اسألتكم

محمد على

حبيبي
اخبارك وحشتني
--------------------
اسمع شويه الاسئله الحلوين دول
موقف محرج اتعرضت له؟
اتجرحت قبل كده او جرحت؟
هاقولك كلمات وتقولي معناها عندك
الاسلام
الاهلي
عماد متعب
الحب
الخيانه
الجرح
الدنيا
الناس
القمر
البحر
الالوان
الموسيقي
الشعر
هاقولك شويه اغاني وتقول هاتقولها لمين
حضن الغريب
لوحتي مش شايفك
نفسي اقولك
جرح تاني
ماتشغلش بالك
ارجعلي
خليك معايا
بهون عليكي
وانت معايا
بتحس بايه وانت لوحدك؟
اول شخص تفكر فيه اما بتفرح؟
اول حد بيجي في بالك اما بتزعل؟
اكتر صديق بتحبه وبتثق فيه؟
بتقول اسرارك كلها لمين؟
مين الشخص اللي تقوله أسف؟
دور المرأه في حياتك؟
رأيك ايه بصراحه في البنات اليومين دول؟
تعمل ايه لو حبيبتك بعدت عنك؟
تعمل ايه لو صديقك خانك؟

----------------
كفايه كدا وربنا معاك

ههههههههههههههههههههههههههههههههههههههه

على فكرة الواد كددة والله اعلم شكلة مات

انت وحشتنى أكتر ياباشا
الاجابات

موقف محرج اتعرضت له؟
انا جاوبت على السؤال ده فى اجابة أميرة
اتجرحت قبل كده او جرحت؟
انا عمرى ماجرحت وأتمنى انى مش أجرح حد فى يوم من الايام
أما بالنسبة لنجرحت (ايوة انا انجرحت قبل كدة)
هاقولك كلمات وتقولي معناها عندك
الاسلام
الدين الذى جاء به رسولنا وهو انى أطيع الله فى كل أوامرة وان لاأفعل اى شىء نهانا عنه الله او الرسول صلى الله عليه وسلم
وهو طريق سعادة الانسان الذى يعمل بيه

الاهلي
فريقى الى بشجعه
عماد متعب
حريف
الحب
احساس جميل جدا وهو الحاجة الوحيدة الى ممكن تنسينى اى حاجة انا بمر بيها
الخيانه
مش جربتها قبل كدة علشان أقول
الجرح
احساس فظيع ومخيف جدا واحساس اليم يمتلك قلبك وعقلك
الدنيا
ايام تكون جميلة بس ايام أكتر بتكون سودة ودايما تمشى عكسى
الناس
مش بحب اسمعلهم ومنهم الطيب الى أمنيته يشوف انسان قدامه سعيد ومنهم الى يحب الشر الى يحب يشوف انسان قدامه بيتألم
القمر
نقطة نور فى مكان مظلم (يعنى بالنسبة ليا الامل)
البحر
مع الكلام الى بسمعه عنه كتير كنت بكرهه جدا بس فجأة حسيت انى بحبه جدا
وبرجعله لما أكون مضايق جدا جدا وقد ايه هو صامت مش بيتكلم بس بيحمل اسرار كتير جدا وممكن تستريح لو شكيت ليه
الموسيقي
بحب اسمع الموسيقى الحزينة او الرومانسية وفعلا هى بتهدى الاعصاب كتيير
الشعر
شىء معبر ساعات لما بسمعه بعيط
هاقولك شويه اغاني وتقول هاتقولها لمين
حضن الغريب

المصرى

لوحتي مش شايفك
والدى 1236
نفسي اقولك

انسانة معحب بيها جدا
جرح تاني
مش لحد
ماتشغلش بالك

انسان حبيتها ف يوم
ارجعلي
مش لحد
خليك معايا
نو ون

بهون عليكي
مش لحد
وانت معايا
مش لحد
بتحس بايه وانت لوحدك؟
بالوحدة وبحس انى عايز اعمل حاجة بس مش عارف هى ايه
اول شخص تفكر فيه اما بتفرح؟
بابا
اول حد بيجي في بالك اما بتزعل؟
أختى الكبيرة
اكتر صديق بتحبه وبتثق فيه؟
(عبد المولى)مش موجود فى المنتدى
بتقول اسرارك كلها لمين؟
لنفسى
مين الشخص اللي تقوله أسف؟
مافيش حد
دور المرأه في حياتك؟
دور جميل جدا ومن غير المرأة الحياة مش هاتستمر
وزى مالراجل نص المجتمع المرأة النص التانى
رأيك ايه بصراحه في البنات اليومين دول؟
مش كل البنات فى بنات عساسيل ومحترمين
وفى العكس
تعمل ايه لو حبيبتك بعدت عنك؟
اشوف ايه السبب الى خلاها تبعد عنى جايز أكون انا الى غلطان
وأصلح الخطأ ده
تعمل ايه لو صديقك خانك؟
انا مش هاقولك اعمل ايه لانى انا بختار صديقى الى مش يعمل حاجة زى دى
يعنى انت لو أخترت صديقك بحكمة مش هايجى فى يوم من الايام ويخونك

ايه ياعم الاسئلة دى كلها

هو انا فى امتحان ثانوية عامة

حد تانى هايسأل انا جاهز
محمد على

ايوة يامصرى والله قول اى حاجة
دى كلها اسئلة
ماشى كل واحد ليه يوم

ربنا يكون فى عونك

وانا عن نفسى مش سال يا سيدى

اى خدمات

لا يامعلم انا تحت امرك
اى حد عنده اسأله يسأل وانا تحت أمركم
علشان مش عايز حد نفسه فى حاجة

سمحني يا صحبي مش مهم بقي ويا عم مش هسئلك تاني
الف شكرا يا مان وسمحني المفروض اكون مكانك يلا مش مهم

ياسيدى كلنا لها

ابو على اهلا وسهلا
1_ايه اكتر طبع بتكرهة او مش بتحبه فى ابو على؟ونفسك تغيرة؟
وايه اكتر طبع بتحبه فيك؟

2_حبيت بجد حب حقيقي ولا لسه؟

3_ وحشتينى او وحشتنى تقولها لمين؟

4_بحبك اوى لمين تقولها؟

5_امتى اخر مرة عيط فيها؟ وليه؟

6_بكرهك لمين تقولها؟

7_اعتذرا لمين تقدمة؟
كفايه كدة دلوقت ولينا عودة

حبيــــــــــــــــــــــــــــــــــــــــــــــــــــــــــــــــب قلبـــــــــــــــــــى

*ابو على *

1- ما هو رد فعلك اذا عرف اهلك بموضوع التدخين ؟

2- بالنسبة للحبيبة كم عمرها - هل هى جميلة - وما هور أول حرف من اسمها ؟

3- هل هناك عيب فى شكلك وتريد ان تداويه . وما هو؟

4-من هو الشخص الذى تريد ان تظل دائما بجواره - وهل هناك مشاكل معه بالنسبة لك ؟

5- ما هو اسم اكتر كا فتريا بتعد عليها واية اكتر حاجة بتحب تطلبها وانتا هناك ؟

6- هل هناك عيب شخصى فيك ؟ قوله بصراحة

7- هل دق قلبك لاحد من بنات الجيران؟

كفاية كدة ولنا اكثر من عودة

MaGiC

ايه ياجماعة الاسئلة دى والله انا طيب
ونبدأ بسوكا

ابو على اهلا وسهلا
1_ايه اكتر طبع بتكرهة او مش بتحبه فى ابو على؟ونفسك تغيرة؟
وايه اكتر طبع بتحبه فيك؟
بكره ان فيا اول لما أشوف منظر قدامى او موقف بتأثر بيه جدا وممكن افكر فيه أكثر من شهر ومنظره يكون قدام عينى
وبحب فيا انى لما بحب بحب بجد وبقدر احس ب الى قدامى من نظرة عنيه

2_حبيت بجد حب حقيقي ولا لسه؟
لا تعليق
3_ وحشتينى او وحشتنى تقولها لمين؟
ل بابا
4_بحبك اوى لمين تقولها؟

ل ماما
5_امتى اخر مرة عيط فيها؟ وليه؟
اول انبارح (لاتعليق)
6_بكرهك لمين تقولها؟
مافيش حد
7_اعتذرا لمين تقدمة؟
لأى حد انا أسأت ليه او زعلته من غير ماأقصد
كفايه كدة دلوقت ولينا عودة
انا تحت امرك ياسوكا الى عنده اى حاجة يقولها
أسئلتك جميلة جدا ياسوكا

هيما حبيبي انا عارف انك بتاخد حقك منى بس بطريقة انتقام ماشى ياعم ولا يهمك

1- ما هو رد فعلك اذا عرف اهلك بموضوع التدخين ؟
عادى دى حرية شخصية بس اخاف على بابا لانه لو عرف هافقد ثقته فيا
وهايزعل جامد
2- بالنسبة للحبيبة كم عمرها - هل هى جميلة - وما هو أول حرف من اسمها ؟
والله ياهيما هو مافيش حبيبة حاليا
3- هل هناك عيب فى شكلك وتريد ان تداويه . وما هو؟
لاتعليق
4-من هو الشخص الذى تريد ان تظل دائما بجواره - وهل هناك مشاكل معه بالنسبة لك ؟
حبيبتى فى المستقبل وهى اساسا لسة مش موجودة علشان يكون بينى وبينها مشاكل

5- ما هو اسم اكتر كا فتريا بتعد عليها واية اكتر حاجة بتحب تطلبها وانتا هناك ؟
(الخان) كابتشينو وشيشة كنتالوب وساعات لما يكون عندى برد بطلب شيشة ليمون هههههه

6- هل هناك عيب شخصى فيك ؟ قوله بصراحة
اه الى فى قلبى على لسانى وطبعا ده مش عيب لكن فى زمنا ده عيب

7- هل دق قلبك لاحد من بنات الجيران؟
اه بس مش حصل نصيب(وكانت فترة مراهقة اى واحد بيمر بيها)
كفاية كدة ولنا اكثر من عودة
انا تحت امرك ياصاحبى

يارب تكونى اجاباتى كانت صريحة وأكون فهمت الاسئلة كويس

محمد على

لأ طبعا مش صريحة

وانتا لما جيت سألتنى قولت كل حاجة

والمفروض ان كرسى الاعتراف يكون صراحة مطلقة وانتا 70 % من الاسئلة
اللى سألتهالك مافيهاش اى نوع من الصراحة

ياريت تقول الصراحة
وبلاش كدة
ها

magic

والله بجد الموضوع عجبنى جدا

وانا احب اشترك معاكم
وادخل واطلب انى اسال محمد على

اتمنى انه يكون راضى

ومتخفش اسالتى والله كويسه

لا صاعبه ولا حاجه

مستنيك يا محمد

حازم الرفاعى

والله ياهيما انا بحاول بقدر المستطاع انى اكون صريح وانا فعلا مش كذبت فى اى أجابة
ولو انت شايف غير كدة فى اى سؤال ياريت تعيدة وانا اجاوب عليه تانى

وانت ياحازم حبيب قلبى انت من غير ماتستأذن انت تأمر ياحبى
اتفضل وانا تحت أمرك

والله انا فى الاول مش هطول ولا هقول كام سؤال

هو سؤال بس
وارجو الصراحه

عمرك حبيت حاجه او حد بجد قبل كده؟
لو اجابتك اه
قولى يعنى ايه بقى معنى الحب اللى بجد ده ؟
ولو لا
قولى برده البنات هى الرتبه الكام فى حياتك؟

لو مش عارف اوكى

الصراحه

اخوك

حازم الرفاعى

واطلب اسال سمر بعد محمد

ونجاوب على حازم باشا

عمرك حبيت حاجه او حد بجد قبل كده؟
لو اجابتك اه
قولى يعنى ايه بقى معنى الحب اللى بجد ده ؟
ولو لا
قولى برده البنات هى الرتبه الكام فى حياتك؟

اجابتى اه

قولى يعنى ايه بقى معنى الحب اللى بجد ده ؟

الحب و ما ادراك ما الحب .. ركبى يسيبوا و قلبى يطب ..
ووشى يقلب الوان وأسهر طول الليل وأتخيل نفسى معاها فى اى وقت

بص ياعم حازم من الاخر يعنى
احساس بتحسه اتجاه شخص معين تحس فيه بشىء جميل
الاحساس ده يخليك تقف جمب الانسان ده
وانك مش تنسى الشخص الى بتحبه ده
وهو شعور غريب يشعرك بالسعادة دائما والفرحة
بيخليك دايما طاير فى السما وفرحان
يعنى بتحس كدة ان كل الى حواليك مش حاسين بيك مش فاهمينك ياحازم شخص واحد بس الى بيقدر يحس بيك ويقهمك هى (حبيبتك)

*ومهما تحدثت عن الحب مش هاأقدر أعطيه حقه ياحازم لان لسانى يعجز دائما في
الحالة دى عن اخراج ما يستره القلب من مشاعر واحاسيس جميلة
فالقلب ماهو
الا قصر عامر بالحب والحنان والعطاء00

بس هاتيجى تدور على الحب ده مش هاتلاقيه غير فى الاحلام
سؤالك جميل جدا ياحازم

محمد على

دا رايك فى معنى الحب؟؟؟؟

رايك ولابد انى احترمه

متشكر يا محمد

واتمنى ان سمر توافق على الاسئله اللى هسالهالها

حازم الرفاعى

شكرا حازم

أعتقد كدة ياجماعة ان الاسئلة خلصت
ولا حد عنده لسة اسئلة ليا

لا خلاص كفايه عليك
ممكن نسال حد تانى
وحازم مرشح سمر
وانا موافقة
بس هى هتوافق؟

اوك نشوف رأيها

هتوافق ان شاء الله

سمر مش هتوافق يا جماعه انا عارفه كده كويس

بقترح ندخل المصرى ايه رايكوا يا جماعه

انا من رائييى
ان هى اللى تدخل تقول

ها يا سمر

؟

هتنزلى ولا
؟

magic