1.واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع
2.مرة اتنين كانوا بيجرو ا ورا القطر لحد ما واحد فيهم لحق القطر والتاني لا فالتاني قعد يضحك يضحك فواحد بيقوله انت بتضحك ليه قالوا اصل اللي ركب القطر ده كان جاي يوصلني
3.واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!
4.واحد محشش قاعد مع اصحابه و بيحكيلهم: انا مره طلعلي اسد و كان في ايدي كباية ميه رميتها عليه فهرب الاسد، رد عليه واحد من اللي قاعدين قاله صح انا قابلت نفس الاسد ضربته بقلم ايدي اتبلت بالميه...
5.واحد بخيل جاب تلت تفاحات، فتح اول واحده لاقاها معفنه رماها، فتح تانى واحده لاقاها معفنه رماها.. قام طفى النور واكل الثالثة...
6.واحد عصبي بقول لمراته: انا عايز احكيلك قصة غريبة حصلت معايا النهارده بس مش هتصدقيني من كتر ما هي غريبة.. وتقولي عني كذاب بس انا مش كذاب..انت الكذابة وعيلتك الكذابة يا وقحة.. يللي ما بتستحي.. روحي انتي طالق!!!!
7.مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
8.مرة أغبية سافروا امريكا واحد منهم رجع والتانى مرجعش.. فواحد سألة فين صاحبك؟؟؟ قال له اول ما راح هناك اتنجن من ناطحات السحاب وطلع عمارة 500 طابق ورمى نفسة من سطحها ونزل فى 3 ايام.. سأله ومات؟؟؟ قال له انت عايزه ينزل فى 3 ايام من غير اكل و لا شرب وما يمتش!!!
9.واحد انجليزى وواحد فرنساوى وواحد صينى راحو يجربو صدى الصوت الانجليزى قال هاللو فرد عليه صدى الصوت و قال: هالوووو الفرنساوى قال بنجور رد عليه صدى الصوت و قال: بنجوووور الصينى قال شونجا كونجا هونجاهى فرد عليه صدى الصوت و قال: انت بتقول ايييييييه؟؟؟
10.سئلوا ولد: ليه قتلت أبوك؟ الولد : كانوا عاملين رحلة للأيتام, كنت عايز اروحها. المحققين: طب ليه قتلت عمك ؟ الولد: كنت عايز ابن عمي يسافر معايا! المحققين: طب ليه كنت عايز تنتحر؟ الولد: لأنهم لغوا الرحلة.
:D :D :D :D :D :D :D :D :D
يا رب تعجبكوا
الجمعة 21 سبتمبر - 23:28
