موضوع: اختبار نفسى عن شخصيتك........... الأربعاء 30 أبريل - 20:54
كل ما تقرا سؤال حاول تسرح بخيالك شوية ما تجاوبش على طول اختبارنا عبارة عن قصة ليها مراحل نبدا بقى انت دلوقتى كنت فى سفينة كبيرة والسفينة غرقت وانت الوحيد اللى نجيت وفضلت تعوم وتعوم لحد ما وصلت لجزيرة ها وصلت طيب حمد لله على السلامة نبدا الاسئلة وزى ما اتفقنا حاول تتخيل كانى انا بحكى قصة وانت بترسمها 1. شايف الجزيرة فى خيالك شكلها ايه؟؟ اوصفها 2. مشيت شوية ولقيت قدامك قصر وكوخ حتختار تعيش فى اى واحد فيهم ؟؟ 3. دخلت لقيت فى القصر او الكوخ صندوق متخيل الصندوق ده كبير ولا صغير؟؟؟ والصندوق عليه قفل برده متخيل القفل كبير ولا صغير ؟؟؟ 4. لقيت جوه البيت ست عجوزة شكلها وحش حتكلمها ولا حتتجنبها ؟؟ 5. هجم اسد عليك وانت فى الجزيرة حتتصرف ازاى تواجهه وتصطاده ولا حتهرب وتجرى ؟؟؟ الاختبار خلص تفسير. الاختبار
1. الجزيرة بتمثل الصداقة فى حياتك يعنى لو اتخيلتها جميلة كلها زهور واشجار تبقى الصداقة عندك معناها جميل وصديقك عندك دايما هو المنقذ اللى بتلجاله فى اى مشكلة لما لو اتخيلتها فاضية وصحرا يبقى الصداقة عندك حاجة زى كده مالهاش مكانة ولا معنى 2.المكان اللى حتختاره تسكن فيه بيمثل شخصيتك يعنى لو اخترت القصر ده دليل على التكلف اما لو اخترت الكوخ فده يدل على البساطة
3. الصندوق بقى يبقى قلبك يعنى على قد الصندوق حيبقى قلبك والقفل اللى عليه لو صغير يعنى الوصول لقلبك سهل اما لو كبير انت فاهم بقى مافيش داعى اكمل 4. الست العجوزة دى بتمثل الموت يعنى لو اتعاملت معاها انت مستعد للتعامل مع الموت لو تجنبتها انت بتخاف من الموت جدا
5. الاسد بقى يبقى مشاكلك يعنى ياما حتواجهها يا اما حتهرب منها
همس الحنين المشرف العام
عدد الرسائل : 393 العمر : 37 البلد : مصر الحالة : عاشقة المصطفي المزاج : باحثة عن اجابات علم البلد : OuR CrAzY LiFe : تاريخ التسجيل : 11/03/2008
موضوع: رد: اختبار نفسى عن شخصيتك........... الأحد 2 نوفمبر - 21:05
بصي ياتايتنك
انا عن نفسي مش مقتنعة بالاختبار دا نهائي
لان اي انسان عاقل هيجاوب علي الاختبار دا هيطلع شخصية ضعيفة جدا دا لو طلع عنده
شخصية اساسا
لان بعد تفسيرك للاسئلة دا فأي اجابة منطقية مش هتكون متفقة مع الاختبار
يعني ابسط حاجة مثلا سؤالك عن الاسد دا
اي مخلوق في الدنيا هتكون اجابته انه هيهرب ويجري هتي لو كان مدرب اسود
يبقي الشخص العادي تفتكري هيواجهة؟؟؟
ودا مش معناه انه بيهرب من مشاكلة ومش بيحاول يحلها
واسمحي لي انا بحكم دراستي (مع احترامي) دا لايصلح اختبار للشخصية بأي حال من
الأحوال ( والله اعلم )
وعلي كل حال نورتينا بموضوعك
magic مشرف كلمات الاغانى
عدد الرسائل : 2569 العمر : 34 البلد : MaNsUrA الحالة : عادى المزاج : اكيد مش حلو علم البلد : OuR CrAzY LiFe : تاريخ التسجيل : 29/12/2007
موضوع: رد: اختبار نفسى عن شخصيتك........... السبت 8 نوفمبر - 14:00
هو الموضوع كويس وكل حاجة يا همس بس عيبه انه خبالى شوية