قصة مؤثرة جدا لطالبة في الثانوي

القصة تقول ان في بنت تدرس في الثانوية اسمها (عبير) في يوم
كانت خارجة راحة مشوار إلى مكان ما وبعدين قابلت ولد واتعرفوا على بعض المهم اخدت الرقم واتصلت بيه وعرفت ان اسمه (خالد) وزادت العلاقة
وقوت بينهم جدا ...
وكانوا عايزين يقابلو بعض بس مش لاقيين طريقة وبعد كده جت فكرة لخالد
فقال لعبير خلاص احنا هنتقابل عند المدرسة بتاعتك
قالت عبير : إزاى يعنى مش فاهمة؟؟
قالها:اسمعى انتى باباكى كل يوم بينزل يوصلك للمدرسة وبعدين يروح الشغل صح ؟؟
قالت: ايوة صح
قالها :خلاص بعد اما باباكى يوصلك ويمشى انا هعدى عليكى من قدام المدرسة اخدك وتركبي معايا
قالت : بس المديرة هتتصل علي البيت لما تعرف انى ماروحتش المدرسة
قال: ابقي افصلى سلك التليفون وريحى دماغك
قالتله : بس انا خايفة اوى
قالها : هتخافى من ايه بس؟؟ تعالى وجربى
المهم راح ابو عبير ووصل بنته للمدرسة عادى زى كل يوم ومشي
ثوانى ولقت خالد واقف و ركبت عبير معاه بسرعة راحوا علي الكوفى شوب فطروا وقعدوا يحكوا مع بعض شوية
لحد ما ميعاد رجوعها من المدرسة جه فقامت و وصلها خالد ورجعت البيت وهيا خايفة اوى بس ماحدش عرف حاجة عن اللى حصل اتصلت بسرعة بخالد وقالتله ان اهلها ماعرفوش حاجة عن الموضوع ده وطمنته
وقعدوا يتكلموا مع بعض شوية وبعدين خالد قالها ايه رأيك اقابلك بكرة؟؟؟
قالتلة لالالا مش كل مرة تسلم الجرة
قالها تعالى بس دا انا المرة دى جايبلك هدية
قالتله خلاص تعالى كده وشوف الوضع امان والا ايه؟؟
وجه خالد وركبت معاه زى كل مرة
المهم اخدوا علي الحال ده اسبوع من السبت للخميس...
وجه يوم السبت اللى نست فيه عبير تشيل سلك التليفون وطلعت مع خالد
وفجأة..
تليفون البيت رن
قامت ام عبير مفزوعة من النوم ( خير اللهم اجعله خير )
ام عبير : الو
المديرة: الو السلام عليكم
ام عبير : وعليكم السلام مين معايا؟؟!!
المديرة : انا الاستاذة هدى مديرة المدرسة اللى بتدرس فيها بنتك عبير
ام عبير : خير ان شاء الله
المديرة : خير بإذن الله بس عبير بقالها إسبوع ماجيتش المدرسة
خير هي مريضة؟؟؟
ام عبير : إزاى؟؟!!... (وتوهت علي الموضوع)..
ايوة هيا عبير تعبانة بس شوية وخفت الحمد لله
المديرة : ألف سلامة عليها انا بس حبيت اطمن عليها .. مع السلامة
ام عبير الدنيا دارت بيها ومبقتش عارفة تعمل ايه؟؟ تقو لأبو عبير ولا تمسك عبير وتسألها؟؟؟
المهم قالت كل حاجة لأبو عبير وهو قالها متعرفيهاش باللى حصل وانا هارقيبها اشوفها بتروح فين؟
ويوم الأحد وصل ابو عبير البنت للمدرسة وبعدين جه اخدها خالد وفي اليوم ده كانت راحة هيا وخالد شقة
المهم مشى ابوها وراها لحد اما عرف هيا راحة فين وراح وراها لحد الشقة
وهو طالع للشقة كان خالد نازل يجيب حاجات وجاى وابو عبير ماخدتش باله المهم رن جرس الباب
فتحت عبير الباب وانصدمت اول ماشافت باباها
ابوها اول ماشافها قعد يضربها وبعدين هيا جرت منه وراحت المطبخ
ومسكت السكينة بتهدد بيها ابوها وغصب عنها
طعنت ابوها بالسكينة في صدره
وقع الاب علي الارض مغمى عليه وجه خالد وشاف الموقف وقال لعبير شيليه معايا بسرعة للحمام
وحطوه في ((البانيو)) وملوه ماية وحطوا عليه مسحوق للغسيل (تايد )_ لو تعرفوه يعنى_ عشان الرغوة وطلعوا...
ورجعت البنت للمدرسة وهيا تفكر في اللى حصل ده حقيقة والا خيال...؟؟
المهم طلعت من المدرسة ورجعت مع الباص بتاع المدرسة للبيت وهيا بتخبط علي باب البيت
لقت المفاجأة الغريبة
ابوها فتح لها.فصـــــرخت وقاااالت : بابا مش معقول
رد ابوها :





مع تايد في الغسيــــــل مافيش مستحيـــــــــــــــــــــل

ايه رايكم وقعت قلبكم صح

هههههههههههههههههه
حلوه

البنت اللى غلطانة

ميرسي ياسمر على ردك
وميرسي ياامير على ردك

ومالة اريل يعنى

شكرا على الموضوع

تحياتى

المصرى

مش عارفة ماله اهو خلى الاب يبقى كويس
شكرا يامصري على مرورك

لا ماهو لو استعملو اى مسحوق تانى

كانت هاتبقى مشكلة وكان مات بقى

وحكاية

يادي النيلة
ايه قصص الرعب دي
يللا اعلان حلو
بس اموت و اعرف لما قتلته ودت السكينة فين ؟؟؟؟

كل ده همك السكينة
حطيتها تحت البلاطة ياعمر
ميرسي لردك ياباشا

ههههههههههه
بلاطة اة


هى فلوس ولا اية؟

ههههههههه
انا عارف؟!!!
قوللها يا مصري

الله الله انتم الاتنين عليا
اه حطها تحت البلاطة ومصممة

ماشي يا سيتي خلاص
بلاطة بلاطة مش مشكلة
كلنا مبلطين
ههههههه

تم النقل الى الطرائف

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله العظيم عسل انامكنتش متوقع النهايه بس بجد روعه

ميرسي لردك ومرورك

كنت عارف النهايه بس مرسى يا جميل على المجهود
بس عاوز اعرف حاجه

كان فى الدور الكام

ربنا يخليك وميرسي على ردك
مش عارفة